ಜಾರಕಿಹೊಳಿ ನಿವಾಸಗಳ ಮೇಲೆ ED ದಾಳಿ: ದಾಖಲೆಗಳ ಪರಿಶೀಲನೆ

ಸಾಹುಕಾರ್ ಗೆ ED ಡ್ರಿಲ್…!

ಸಚಿವ ಸತೀಶ್ ಜಾರಕಿಹೊಳಿಗೆ ಬೆಳ್ಳಂ ಬೆಳ್ಳಗೆ ED ಅಧಿಕಾರಿಗಳು ಶಾಕ್ ನೀಡಿದ್ದಾರೆ.ಮುಂಜಾನೆ 7 ಗಂಟೆಯ ಸುಮಾರಿಗೆ ಸತೀಶ್ ಅವರ ನಿವಾಸದ ಮೇಲೆ ದಾಳಿ ನಡೆಸಿರುವ ಇಡಿ ಅಧಿಕಾರಿಗಳು ಸತೀಶ್ ಜಾರಕಿಹೊಳಿಗೆ ಸಂಭಂದಿಸಿದ ಸ್ಥಳಗಳಲ್ಲಿ ಪರಿಶೀಲನೆ ನಡೆಸುತ್ತಿದ್ದಾರೆ.

ಸಚಿವ ಸತೀಶ್ ಜಾರಕಿಹೊಳಿ ಆಪ್ತ ಬೆಳಗಾವಿ ವಿಭಾಗದ ಹೆಚ್ಚುವರಿ ಆಯುಕ್ತರಾಗಿದ್ದ ಮಂಜುನಾಥ್ ಮೇಲೆ ಇತ್ತೀಚೆಗಷ್ಟೇ ಬಾರ್ ಲೈಸೆನ್ಸ್ ವಿಚಾರವಾಗಿ ಭ್ರಷ್ಟಾಚಾರ ಮಾಡಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿತ್ತು,ಈ ಸಂಬಂದಿ ಮಂಜುನಾಥ್ ಸೇರಿದಂತೆ ಹಲವು ಆಪ್ತರ ನಿವಾಸದ ಮೇಲೆ ED ಅಧಿಕಾರಿಗಳು ರೈಡ್ ಮಾಡಿದ್ದರು. ಈ ದಾಳಿ ವೇಳೆ ಆರೋಪಿ ಮಂಜುನಾಥ್ ನಿವಾಸದಲ್ಲಿ ಅನೇಕ ಬೇನಾಮಿ ಬಾರ್ ಲೈಸೆನ್ಸ್ ಜೊತೆಗೆ 5.5 ಲಕ್ಷ ಹಣ ಸೇರಿ 13.3 ಕೋ. ಮೌಲ್ಯದ ಚಿನ್ನಾಭರಣ ಪತ್ತೆಯಾಗಿತ್ತು.

ಇದೀಗ ಸತೀಶ್ ಜಾರಕಿಹೊಳಿ ನಿವಾಸದ ಮೇಲೆ ED ಅಧಿಕಾರಿಗಳು ಇದ್ದಕ್ಕಿದ್ದಂತೆ ರೈಡ್ ಮಾಡಿದ್ದು ಡಾಲರ್ಸ್ ಕಾಲೋನಿ ಸೇರಿ 12 ಕ್ಕಿಂತ ಅಧಿಕ ಸ್ಥಳಗಳಲ್ಲಿ ಸುಮಾರು 20 ಕ್ಕಿಂತ ಹೆಚ್ಚು ಅಧಿಕಾರಿಗಳಿಂದ ತನಿಖೆ ನಡೆಸಲಾಗುತ್ತಿದೆ.ಸದ್ಯಕ್ಕೆ ಬಂದಿರುವ ಮಾಹಿತಿ ಪ್ರಕರಣ ಪರಿಶೀಲನೆ ವೇಳೆ 178 ಕೋಟಿಗೂ ಅಧಿಕ ಅಬಕಾರಿ ಅಕ್ರಮ ಪತ್ತೆಯಾಗಿರುವುದು ವರದಿಯಾಗಿದೆ.